رحلة البحث عن جهاز لاب توب
السلام عليكم
ورحمة الله وبركاته
هلا والله فيكم شباب , اخبارك يا رب تكونواب الف خير
يلا نحضر الفيديو ونشترك بالقناة
الفترة الماضية
كنت بابحث عن لاب توب يكفي احتياجاتي ويكون ضمن الميزانية المتاحة لالي , وبصراحة
كانت الخيارات الموجودة في السوق كتيرة واصناف لاب توبات لشركات كبيرة
MSi , Lenovo, ausu , acer ,hp
,
وكان الجهاز بلزمني يكون سرعته تكون ممتازة واداءه يكون جيد في برامج
المونتاج والجرافيكس ولو حبيت العب لعبة
تقيلة بمتطلبات كرت شاشة عالي يشغلها
طبعاً قبل ما ابلش احكي عن اللاب توب , كان بامكاني اشتري جهاز بي سي بنصف السعر تقريباً بمواصفات عالية بس انا ما كنت حابب اجيب بي سي لانه بدي ارتبط في مكان واحد في القعدة , وانا عندي مشاكل في الغضروف فحكيون صعب عليا اضل قاعد على كرسي, فخيار البي سي مرفوض
اجيت شفت الأنواع في السوق , وكنت حابب اجيب HP omen الجيل التاسع ورام 16 جيجا ,
وكرت شاشة 6 جيجا gtx
وهميت بدي اشتري واتنورت على الأسعار بالسوق , واخذنا سعر منافس وكان مشجع
انه بيجي معاه سمعات اومين اصلية وماوس اصلي عني اشي حلو .
وفي اخر لحظة اتواصلت مع صديق وحكيتله خلص قررت اجيب لاب توب اومين , قلي يا
صديق ما بنصحك لانه اسمعت انه الجهاز بيسخن كتير والحرارة بتقتل الجهاز وبعد فترة
اداءه بقل !
هنا ضربت استوب وقلت ارجع فكر من جديد , ونصحوني انزل بوست على جروب على
الفيس بوك اسمه غزة هاردوير , ونزلت بوست بسأل فيه عن لاب توب اومين , فكان
تقريباً في اجماع انه فعلياً الجهاز بسخن من الناس الي جربوا الجهاز ونصحوني بي لينفوا
y540 , وحكولي انه في الحرارة اقل وجودته
ممتازة . وفعلاً بلشت احضر ريفيوز عن الجهاز لما اشبعت وبصراحة دخل راسي , سعر
يعتبر جيد ومواصفات عالية .
قبل لاكملكم قصة شرية جهاز اللينفو وشو صار مع شركة اللاب توب والخطأ القاتل
اللي كان راح يكلفهم مخسر 250$ مباشرة , ليش انا ما اشتريت msi .
بصراحة جهاز الام اسي أي جهاز فخم جداً , ومن افضل الشركات ان ما كنت الأفضل
, ولكن بمواصفات جهاز اللينفو لو بدي اشتري من انم اسي أي بدي زيادة من 300 ل400$
على ادنى تقدير .
فقلت توكلنا على الله ونجيب جهاز لينفو y540 , كور أي 7 جيل تاسع , كرت شاشة 6 جيجا ,
هارد 256 جيجا اس اس دي , وهارد 1 تيرا عادي , ورام 16 جيجا .
رحت اشتريت الجهاز واتفقنا على السعر والأمور تمام , والان بستنا ينزلوا
عليه ويندوز نسخة اصلية , والبرامج المهمة , وتمام اجا الجهاز في الكرتونة , فتحت
الكرتونة شفت الجهاز , شكراً الكم ورحت .
هنا بتيجي المفاجأة , بس قبل ما احكيها
الكم حابب أوضح انه الليفو y540
, موجودة نسختين في غزة
الفرق بينهم كرت الشاشة
GTX و RTX
كرت اراتيكس اغلى من 200 ل250$ من الجي تي اكس , وانا شاري الجهاز على انه
كرت الشاشة جي تي اكس , يعني الجماعة اعطوني جهاز اغلى من للي انا دافع سعره بما لا
يقل عن 200ل 250$
ارجعت للمحل وقلتلهم يا جماعة انا شاري جهاز مواصفاته كذا كذا وانتو معطيني
جهاز اغلى من الجهاز اللي معي , حرفياً الشب اللي اخطأ بدو يبوسني اني رجعت الجهاز
, بقلي لو انخصم مني حق الفرقية , المهم رجعنا الجهاز واخذناه والان الجهاز معي وجربته
واداءه رائع جداً , ان كنتو حابين اعمل ريفيو بسيطة عنه اكتبولي في قسم التعليقات
بالاسفل
هاي قصتي مع اللاب توب , بتمنى أكون سليتكم شوية في هاي القصة , ما تنسوا
اللايك والشير والتعليق وتفعيل زر الجرس
سلااااام